Tuesday, April 20, 2010

ನಿಟ್ಟುಸಿರಿನಲ್ಲಿ

ನಿನಗೆ ಪತ್ರ ಬರೆದು ತುಂಬಾ ದಿನ ಆಯ್ತು, ಟೈಮ್ ಇರ್ಲಿಲ್ಲ !! ಸುಳ್ಳು... ಸ್ವಲ್ಪ ಸೋಮಾರಿತನ ಅಷ್ಟೇ, physically conservative.. !! ಗೊತ್ತಿಲ್ಲ ಏನೇ ಬರೆದರೂ, ಏನೇ ಹೇಳಿದರೂ.. ಯಾವುದು ಬರೆದಂತಾಗುತ್ತಿಲ್ಲ. ಏನೋ ಒಂದು ತರಹ ಸಂಕಟ, ವಿಚಿತ್ರ ಗೋಜಲು !!


"ಬರೆದ ಪದಗಳಿಗೆ ಅನಿಸಿದ್ದೆಲ್ಲ ಹೇಳುವ ತಾಕತ್ತಿಲ್ಲ ಅಂತ ಗೊತ್ತಿದ್ದರು ಅದೇನೂ ಒಂದು ಚಟ, ಏನನ್ನೋ ಬಣ್ಣಿಸುವ ಹಂಬಲ.. ಈ ನಿಟ್ಟುಸಿರಿಗೆ ನಿನ್ನೆದೆ ಬಿಟ್ಟರೆ ಬೇರೆ ಮನೆ ಇಲ್ಲ, ಈ ನಿಟ್ಟುಸಿರಿನಲ್ಲಿ ನಿನ್ನದೆಯಲ್ಲಿ ಸ್ವಲ್ಪ ಹೊತ್ತು ಕೂತು ಸ್ವಲ್ಪ ಉಸಿರೆಳೆದುಕೊಂಡು ಹೋಗುವ ಅಭಿಲಾಷೆ ಅಷ್ಟೇ.. ಅಬ್ಬಬ್ಬ!! ಎಷ್ಟೊಂದು ಕುರುಡು ಕನಸು .. ಈ ಕನಸುಗಳಿಗೆ ಸಾವೇ ಇಲ್ಲ" ಆದರು ಅನಿಸಿದ್ದು ಹೇಳಲಾಗ್ತಾ ಇಲ್ಲ !


ಯಾಕೋ ಗೊತ್ತಿಲ್ಲ ಕಣೆ ಯಾವುದೇ ಕಾರಣವಿಲ್ಲದ ಒಂದೊಂದು ಸಲ ಎದೆ ಬರಡಾಗುತ್ತೆ.. ಕಡಲ ಮದ್ಯ ಬಾಯರಿ ನಿಂತರು ಒಂದು ತೊಟ್ಟು ನೀರು ಕುಡಿಯದ ಹಾಗೆ. ಆದರು ನಾನು ನಿನಗೆ ಬರೀಬೇಕು ಅಂತ ಇರೋದು ಇದಲ್ಲ ..ಇದ್ಯಾವುದು ಅಲ್ಲ..


ಬದುಕು ನನ್ನನ್ನು ಪ್ರೀತಿಸೋಕೆ ಹೇಳ್ತಾ ಇದೆ.. ಪ್ರೀತಿ ನಿನ್ನ ಪ್ರೀತಿಸೋಕೆ ಹೇಳ್ತಾ ಇದೆ, ತನ್ನನ್ನು ಪ್ರೀತಿಸದವನು ಇನ್ಯಾರನ್ನು ಪ್ರೀತಿಸಲಾರನಂತೆ .. ನನ್ನನ್ನು ನಾನು ಸವಿಯುತ್ತಿಲ್ಲ ಬರಿ ಸಹಿಸಿಕೊಳ್ಳುತ್ತಿದ್ದೇನೆ.. ಇನ್ನು ಎಷ್ಟು ದಿನ.. ಮತ್ತೆ ಇದಲ್ಲ ನಾ ಹೇಳಬೇಕೆಂದಿರುವುದು !! ಎಂದೋ ಮಾಡಿದ ಆಣೆ, ಕೊನೆವರಗೂ ನಿನ್ ಜೊತೇನೆ ಇರ್ತೀನಿ ಅಂತ ಕೊಟ್ಟ ಭಾಷೆ , ಯಾರಿಗೂ ಹೇಳಬೇಡ ಅಂತ ಹೇಳಿದ ಗುಟ್ಟುಗಳು, ತಬ್ಬಿ ಜೋರಾಗಿ ಅತ್ತಿದ್ದು, ಮತ್ತೆ ಎಲ್ಲ ಕೊಡವಿಕೊಂಡು ನಿನ್ನೊಂದಿಗೆ ಹುಲ್ಲು ಹಾಸಿನ ಮೇಲೆ ಕೂತು ಹಳೆಯದೆಲ್ಲವನ್ನು ಮೆಲಕು ಹಾಕಿದ್ದು ... ಯಾವುದೇ ಅಬ್ಬರವಿಲ್ಲದೆ, ಹಾರಾಟ ಕುಗಾಟವಿಲ್ಲದ ಈ ನೆನಪುಗಳ ಜಾತ್ರೆ ನಿರಂತರ ಅಲ್ವಾ ...? ಮತ್ತೆ ಅದೇ ಅವಡುಗಚ್ಚುವ ಮೌನ !!


ಕೊನೆಗೂ ನಿನಗೆ ಬರಿಬೇಕಾಗಿದ್ದನ್ನು ಬರೆಯಲಾಗಲಿಲ್ಲ .. ಹೋಗಲಿ ಬಿಡು, ನೀನ್ ಹೇಗಿದ್ರು ಬರ್ತಿಯಾಲ್ಲ .. ಬಂದಾಗ ಹೇಳ್ತೀನಿ .. ನಿನಗಾಗಿ ನೀನ್ ಇಷ್ಟ ಪಡೂ ಹಾಡುಗಳ ಕೆಸೆಟ್ ಇಟ್ಕೊಕೊಂಡಿದ್ದಿನಿ ..ನಿನಗೋಸ್ಕರ ಎರಡು ಚೆಂದದ ಕವಿತೆ ಬರ್ದಿದ್ದೀನಿ... ಮತ್ತೆ ನಿನ್ನೊಂದಿಗೆ ಅದೇ ಹಳೆಯ ಮೆಲಕು ಹಾಕಲು ಕಾದಿದ್ದಿನಿ , ನನಿಗೆ ಗೊತ್ತು ನೀನ್ ಬಂದೆ ಬರ್ತಿಯಾ ಅಂತ .. ಆ ನಂಬಿಕೆ ನನಗೆ ಇದೆ , ಯಾಕೆಂದ್ರೆ ನಂಬಿಕೆ ಅಂದ್ರೇನೆ ನೀನ್ ಅಲ್ವಾ ...!!

6 comments:

ಚಿತ್ರಾ ಸಂತೋಷ್ said...

(:))))))))))))))))

ಸಾಗರದಾಚೆಯ ಇಂಚರ said...

ಸಂತೋಷ್ ಸರ್
ಸುಂದರ ಪ್ರೇಮಪತ್ರ
ಒಲವಿನ ಅಕ್ಷರಕ್ಕೆ ಒಲವು ಓಡೋಡಿ ಬರುತ್ತದೆ

Vasudha said...

ಸಂತೋಷ್ .. ತುಂಬಾ ಚೆನ್ನಾಗಿ ಬರ್ದಿದ್ದಿರಾ.. ! "ಈ ನಿಟ್ಟುಸಿರಿಗೆ ನಿನ್ನೆದೆ ಬಿಟ್ಟರೆ ಬೇರೆ ಮನೆ ಇಲ್ಲ, ಈ ನಿಟ್ಟುಸಿರಿನಲ್ಲಿ ನಿನ್ನದೆಯಲ್ಲಿ ಸ್ವಲ್ಪ ಹೊತ್ತು ಕೂತು ಸ್ವಲ್ಪ ಉಸಿರೆಳೆದುಕೊಂಡು ಹೋಗುವ ಅಭಿಲಾಷೆ ಅಷ್ಟೇ.." ಈ ಸಾಲುಗಳು ತುಂಬಾ ಇಷ್ಟಾ ಆಯಿತು ...!!

Sunanda said...

Hi Santu..

ತುಂಬಾ ಸರಾಗವಾಗಿ ನಿರರ್ಗಳವಾಗಿ ಬರೆದಿದ್ದಿಯಾ.. ...Nice article.. Chennagide.

sunaath said...

ಸಂತೋಷ,
Open ಪ್ರೇಮಪತ್ರದಲ್ಲಿ ಏನು ಬರೆಯೋಕಾಗತ್ತೆ?
ಮನದೊಡತಿ, ಮನೆಯೊಡತಿ ಎದುರಿಗೆ ಬಂದಾಗ ಹೇಳಬೇಕಾದ್ದನ್ನು ಹೇಳಿಬಿಡಿ.

Veena DhanuGowda said...

Nice one :)