Friday, November 4, 2011

ನಿನ್ನ ಗೈರು ಹಾಜರಿಯಲ್ಲಿ

ಕನ್ನಡಿಯಲ್ಲಿ ನೀ ಅಂಟಿಸಿದ

ಬೊಟ್ಟಿನ ಬಿಂಬದಲ್ಲಿ ನೋಡಬಲ್ಲೆ ನಾ ನನ್ನನ್ನು..?
ಕನ್ನಡಿ, ಏನನ್ನು ಸ್ವೀಕರಿಸುತ್ತಿಲ್ಲ
ಏನನ್ನು ತಿರಸ್ಕರಿಸುತ್ತಿಲ್ಲ
ಎಷ್ಟೇ ಕನ್ನಡಿ ಮುಂದೆ ನಿಂತರು
ನಾನೆಂಬ ಭ್ರಮೆ ಮಾತ್ರ...
ನಿನ್ನ ಬೊಟ್ಟಿನ ಬಿಂಬದಲ್ಲಿ
ನಿನ್ನೊಂದಿಗೆ ನಾನಾಗುವ ವ್ಯರ್ಥ ಪ್ರಯತ್ನ..
ಕೊನೆಗೆ ನನ್ನ ನೋಡಿ
ಮರುಗಿ ಕಣ್ಣೀರಿಟ್ಟ ಕನ್ನಡಿ
ನೀನಂಟಿಸಿದ ಬೊಟ್ಟಿಗೆ
ಅಂಟಾಗಿರುವ ಅನುಮತಿಯ ಮೇರೆಗೆ
ನಿನ್ನ ಗೈರು ಹಾಜರಿಯಲ್ಲಿ
ನಿನಗಾಗಿ ಕಾದಿರುವ ನಾನು ಬೊಟ್ಟಿನ ಹಿಂದಿನ ಅಂಟುಕ ಮಾತ್ರ ..