ಪದಬಂಧ

ಪದಬಂಧ ಆಟದಲ್ಲಿ ಪೆನ್ನಿನ ತುದಿಯಲ್ಲಿ

ಸಿಕ್ಕಿ ಹೊರ ಬರಲಾರದೆ ಒದ್ದಾಡುತ್ತಿರುವ 

ಪದದಲ್ಲಿ ನೀನು ಇರುವೆಯೆಂದು ತಿಳಿದು

ಮತ್ತಷ್ಟೂ ಗೋಜಲು ಸಂಕಷ್ಟಕ್ಕೆ ಸಿಲುಕಿ 

ನಿನ್ನ ಆಚೀಚಿನ ವಿನ್ಯಾಸಕ್ಕೆ 

ತಪ್ಪು ಹೊಂದಿಕೆಯಾದೀತೆಂಬ ಭಯದಲ್ಲಿ

ಪೆನ್ನಿನ ಮೊನೆಯಲ್ಲಿಯೇ ಹೊರಬರಲಾರದೆ

ಮರುಹೊಂದಾಣಿಕೆ ಮಾಡುವ ಹವಣಿಕೆಯಲ್ಲಿ

ಕಾದು ಹೊಂಚು ಹಾಕುತ್ತಿರುವ ಪದಗಳೆಷ್ಟೋ !!

____________________________________________

ಲಲನಾನಾದ

ಬ್ರಿಗೆಡ್ ರೋಡಿನಲ್ಲಿ 

ಸಣ್ಣ ಸಣ್ಣ ಸ್ಕರ್ಟ್ ತೊಟ್ಟ 

ಲಲನೆಯರ ಲಲನಾನಾದ

ಪೋಲಿ ಮನಸಿಗೆ ಕೊಂಚ  

ಆಹ್ಲಾದತೆ ಕೊಟ್ಟಿದ್ದೇನೂ ನಿಜವೆಂದು

ಹೆಂಡತಿ ಮುಂದೆ ಒಪ್ಪಿಕೊಂಡ ಮೇಲೆ 

ಮೊದಲು ಈ ಆಫೀಸ್ ಬಿಡು

ಇಲ್ಲ root change ಮಾಡೆಂದು

ಕೂತಿದ್ದಾಳೆ..!!